Цікавыя і пазванавальныя экскурсіі
Цікавыя і пазванавальныя экскурсіі<o:p></o:p>
<o:p> </o:p>
У Калінкавіцкім раёне поўным ходам ідзе акцыя «Канікулы без дыму і агню». У падраздзяленні МНС практычна штодня на экскурсію прыходзяць дзеці з прышкольных лагераў горада і раёна. Яны знаёмяцца з тэхнікай і абсталяваннем, даведваюцца чым даводзіцца займацца выратавальнікам. Работнікі МНС, у сваю чаргу, з задавальненнем расказваюць падрастаючаму пакаленню аб сваёй працы, паказваюць пажарную аварыйна-выратавальную тэхніку і абсталяванне. У ходзе гутаркі ратавальнікі таксама нагадваюць гасцям аб правілах паводзін на вадаёмах і ў лесе, распавядаюць, як дзейнічаць у выпадку ўзнікнення надзвычайных сітуацый. Найбольшае захапленне ў дзяцей выклікае магчымасць прымерыць на сябе баявую форму, патрымаць у руках абсталяванне, пасядзець у пажарнай машыне, ўключыць сігнальную сірэну і, вядома ж, «пастраляць» вадой. <o:p></o:p>
Калінкавіцкія ратавальнікі спадзяюцца, што падобныя візіты, а галоўнае – веды па асновах бяспекі жыццядзейнасці, надоўга застануцца ў памяці дзяцей і дазволяць ім пазбегнуць надзвычайных сітуацый у жыцці.<o:p></o:p>
